දර්ශනය
ග්රාමීය කර්මාන්ත, ස්වයං රැකියා සහ ජාතික කලා ශිල්ප සංවර්ධනය හා ප්රවර්ධනය තුලින් තිරසාර ආර්ථිකයකට දායකවීම
මෙහෙවර
මාර්ගෝපදේශ ලබාදීම සහ පහසුකම් සැලසීම තුලින් ශ්රි ලංකාවේ ආර්ථික, සමාජීය සහ පාරිසරික උන්නතිය උදෙසා ග්රාමීය කර්මාන්ත, ස්වයං රැකියා සහ ජාතික කලා ශිල්ප සංවර්ධනය සහ ප්රවර්ධනය කිරීම.
2007 ජනවාරි මස 29 වැනි දිනැති අංක 1482/9 දරණ අති විශේෂ ගැසට් පත්රයේ විධිවිධානයන්ට අනුව ග්රාමීය කර්මාන්ත හා ස්වයං රැකියා ප්රවර්ධන අමාත්යාංශය පිහිටවනු ලැබීය. එම ගැසට් පත්රය අනුව ග්රාමීය කර්මාන්ත හා ස්වයං රැකියා ප්රවර්ධනය පිළිබඳ ප්රතිපත්ති සැලසුම් හා වැඩසටහන් ක්රියාවට නැංවීම, හස්ත කර්මාන්ත සංවර්ධනය, අලෙවිකරණය, සහ අපනයන ප්රවර්ධනය, හස්ත කර්මාන්ත අංශය සඳහා මෝස්තර නිර්මාණය කිරීම හා ප්රචලිත කිරීම, ජාතික ශිල්ප හා කලා සංවර්ධනය හා ප්රවර්ධන කිරීම, ශ්රී ලංකා කර්මාන්ත නිෂ්පාදන නංවාලීම සඳහා ප්රදර්ශන සහ වෙළඳ සල්පිල් පැවැත්වීම යන විෂයයන් පවරනු ලැබීය. එමෙන්ම මෙම කර්තව්යයන් ඉටුකිරීම සඳහා ශ්රී ලංකා හස්ත කර්මාන්ත මණ්ඩලය, ජාතික මෝස්තර මධ්යස්ථානය, ජාතික ශිල්ප සභාව, කාර්මික සංවර්ධන මණ්ඩලය, ජනකලා කේන්ද්රය, හා ග්රාමීය පුනර්ජීවන අරමුදල මෙම අමාත්යාංශය යටතට පත්කර ඇත.
