2010 අප්‍රේල්  මස 30 වැනි දිනැති අංක 1651/20 දරණ  ගැසට් පත්‍රයේ විධි විධානයන්ට අනුව සම්ප්‍රදායීක කර්මාන්ත හා කුඩා ව්‍යවසාය සංවර්ධන අමාත්‍යාංශය පිහිටුවනු ලැබීය. එම ගැසට් පත්‍රයට  අනුව මෙම අමාත්‍යාංශයට අයත් බලතල, කාර්යයන් හා කර්තව්‍යයන් පහත පරිදි වේ.

1. මහින්ද චින්තන ඉදිරි දැක්ම සහ රජය මගින් ක්‍රියාත්මක කිරිමට අපේක්ෂිත වෙනත් ජාතික ප්‍රතිපත්තීන් මත පිහිටා සම්ප්‍රදායීක කර්මාන්ත හා කුඩා ව්‍යවසාය සංවර්ධන විෂයයන්ට හා පහතින් දැක්වෙන දෙපාර්තමේන්තු හා ව්‍යවස්ථාපිත  ආයතනයන්හි විෂයයන් ට අදාළ ප්‍රතිපත්ති, වැඩ සටහන් සහ ව්‍යාපෘති සම්පාදනය කිරීම
2. අදාළ අරමුණු සපුරා ගැනීම සඳහා ජාතික සැලසුම් බලධාරීන් සමග එකඟත්වයට පැමිණි කාලසීමාව හා අයවැයගත සම්පත් ප්‍රමාණය තුළ ඉහත ප්‍රතිපත්ති, වැඩ සටහන් හා ව්‍යාපෘති ක්‍රියාත්මක  කිරීම මෙහෙයවීම
3. අමාත්‍යාංශ විෂයය පථයට අයත් වන මහජන සේවාවාන් කාර්යක්ෂමව හා මහජන හිතකාමී අයුරින් ලබා දීම
4. නාස්තිය හා දූෂණය පිටු දකිමින් අමාත්‍යාංශ යේ කාර්යභාරය ඉටු කිරීම සහතික කිරීමට ඉවහල්වන ආකාරයට නවීන කළමනාකරණ කාක්ෂණික ශිල්පීය ක්‍රම යොදා ගනිමින්  සියලුම ක්‍රම සහ විධි ප්‍රතිශංස්කරණය කිරීම
5. ජාතික ශිල්ප සහ කලා සංවර්ධනය හා ප්‍රවර්ධනය කිරීම
6. ශ්‍රී ලංකාවේ හස්ත කර්මාන්ත නිෂ්පාදන සඳහා මෝස්තර සංවර්ධනය හා ප්‍රචලිත කිරීම
7. කුඩා සහ මධ්‍ය පරිමාණ ව්‍යවසායයන් ප්‍රවර්ධනය, මූල්‍යනය හා අනුග්‍රහය සැලසීම
8. ශ්‍රී ලංකා ශිල්පීය නිෂ්පාදන නංවාලීම සඳහා ප්‍රදර්ශන හා වෙළඳ සල්පිල් පැවැත්වීම
9.  කුඩා සහ මධ්‍යම මට්ටමේ ව්‍යවසායකත්ව ක්‍රියාකාරකම් ප්‍රවර්ධනය කිරීම
10. තල් කර්මාන්තය සංවර්ධනය හා ප්‍රවර්ධනය

දර්ශනය